خیبرپختونخوا کا کوئی پولیس اہلکار لانگ مارچ میں شرکت نہیں کر سکتا ہدایات جاری

پشاور: لانگ مارچ کے حوالے سے خیبرپختونخوا پولیس نے جوانوں اور افسران کے لئے ہدایات جاری کر دیں۔ ہدایات میں کہا گیا کہ لانگ مارچ میں کوئی اہلکار سرکاری ڈیوٹی کے علاوہ پنجاب میں داخل نہیں ہو سکے گا۔ کے پی پولیس کا کوئی اہلکار دھرنے اور احتجاج میں بطور شرکا حصہ نہیں لے سکتا۔ خیبر پختونخوا پولیس نے تمام پولیس افسران کو مراسلہ جاری کرتے ہوئے کہا کہ وفاقی حکومت کی ہدایات کے مطابق احتجاج کا طریقہ کار وضع ہے، کوئی بھی سرکاری ملازم احتجاج کا حصہ نہیں بنے گا۔ کوئی پولیس اہلکار اپنے دائرہ اختیار سے تجاوز نہیں کرے گا اور پولیس اہلکار قانون کے مطابق اپنی ڈیوٹی تک محدود رہیں گے۔۔