لاہور: خوبصورت اداکارہ اور ماڈل اشنا شاہ نے کہا ہے کہ کیا میں انڈسٹری کا راز بتاوں، جہاں زیادہ تر لوگ فراڈ اور زیادہ تر چیزیں محض نظر کا دھوکا ہیں۔ 2013 میں میرے خوابوں کا دیا سے ڈرامہ انڈسٹری میں قدم رکھنے والی اشنا شاہ نے کئی مقبول سیریز میں کام کیا ہے۔ وہ اپنی بے ساختہ اداکاری کے باعث جلد ہی انڈسٹری میں منفرد پہچان بنانے میں کامیاب ہوگئیں۔ وہ عام زندگی میں بھی اپنی بے ساختہ گفتگو اور بغیر لگے لپٹی بات کہہ دینے کے لیے مشہور ہیں۔ سوشل میڈیا پر بھی شوبز کی رنگینوں کے پیچھے چھپے کڑوے کسیلے سچ کہتی رہتی ہیں جس پر انھیں تنقید کا سامنا بھی کرنا پڑتا ہے۔ اپنی حالیہ ٹوئٹ میں انشا شاہ نے نیا پینڈورا باکس کھول دیا ہے۔ اداکارہ نے لکھا کہ کیا میں آپ کو انڈسٹری کا راز بتا سکتی ہوں؟ اس میں زیادہ تر لوگ فراڈیے ہیں۔ زیادہ تر چیزیں وہم ہیں۔
