ٹیکسلا ،واہ کینٹ(نامہ نگار) ہماری دعا ہے کہ اللہ تعالیٰ عمران خان کو اپنی حفظ و امان میں رکھے اور انھیں ہدایت دے کہ وہ عوام اور کاشت کاروں کے بارے میں سوچے جو روڈوں کی بندش کی وجہ سے سبزیاں مارکیٹ میں نا پہنچنے سے فاقہ کشیوں تک پہنچ گئے ان فتنہ انگیزیوں سے انھیں کچھ حاصل نہیں ہو گا شیخ ساجد محمود تفصیلات کے مطابق سابق کونسلر بلدیہ ٹیکسلا و رہنما مسلم لیگ ن شیخ ساجد محمود نے میڈیا سے گفتگو کرتے ہوئے کہا کہ جگہ جگہ سے روڈ بلاکنگ کی وجہ سے بیماروں کا ہسپتال تک پہنچنا ناممکن ہو گیا ہے کاشت کاروں کی سبزیاں گل سڑ رہی ہیں بچے اور بچیوں کا کالجوں و یونیورسٹیوں میں پہنچنا مشکل ہو گیا انھوں نے کہا کہ پہلے ہی دو سال کورونا کی وجہ سے بچے و بچیاں ڈسٹربنس کا شکار ہیں اوپر سے کرپٹ لوگ اپنے ذاتی مفادات اور ہٹ دھرمی سے باز نہیں آ رہے ان کا کوئی مسئلہ ہے تو کورٹ میں جاہیں قوم کے بچوں کے مستقبل سے نا کھیلیں۔
