کراچی: پاکستان کی معروف اداکارہ ثنا جاوید نے اپنے مداحوں کو خبردار کرتے ہوئے بتایا کہ ان کا ٹویٹر پر کوئی اکانٹ نہیں ہے۔ اداکارہ نے اس حوالے سے اپنے انسٹاگرام پر ایک پوسٹ شیئر کی ہے اور اپنے مداحوں کو فیک اکانٹ کو رپورٹ کرنے کی درخواست کی ہے۔ انہوں نے اپنے فیک اکانٹ کا اسکرین شاٹ شیئر کیا ہے اور عوام کو بتایا کہ وہ ٹویٹر استعمال نہیں کرتیں اور اس پر موجود ٹویٹوں کو ان کی رائے نہ سمجھا جائے۔ اداکارہ نے میڈیا اداروں سے بھی درخواست کی کہ ان کے متعلق کوئی خبر بنانے سے قبل وہ اداکارہ سے تصدیق ضرور کریں کیوں کہ وہ ٹویٹر پر نہیں ہیں۔ ثنا جاوید کا فیک اکانٹ 2016 سے ایکٹیو ہے اور اس پر تقریبا چالیس ہزار فالوورز بھی موجود ہیں۔
