وفاقی وزیر خزانہ اسحاق ڈار کی زیر صدارت اقتصادی رابطہ کمیٹی کے اجلاس میں سیلاب سے متاثرہ سڑکوں کی تعمیر کیلیے ایک ارب 66 کروڑ کی گرانٹ منظور کرلی گئی۔ اعلامیہ کے مطابق دالبندین سے زیارت تک روڈ تعمیر کرنے کی منظوری دے دی گئی ہے، سڑک کی تعمیر کیلیے 10 کروڑ روپے کی ضمنی گرانٹ بھی منظور کرلی گئی ہے۔ اجلاس میں پرائم منسٹر انسپیکشن کمیشن کیلیے ایک کروڑ 72 لاکھ روپے کی ضمنی گرانٹ منظور کی گئی۔ وزارت توانائی کیلیے 92 کروڑ 20 لاکھ کی تکنیکی گرانٹ بھی منظور کرلی گئی۔ ای سی سی اجلاس میں یوریا کھاد کیلیے وفاق کے حصے کی سبسڈی رقم جاری کرنے کی منظوری دے دی گئی۔ رواں سال 2023 کے دوران امپورٹڈ یوریا کھاد کی ترسیل کیلیے 5 ارب 57 کروڑ کی گرانٹ منظور کی گئی ہے۔
