وفاقی وزیر منصوبہ بندی احسن اقبال کا کہنا ہے کہ حکومت کی مدت اگست میں مکمل ہوگی جس کے بعد اکتوبر یا نومبر میں انتخابات کا وقت متعین ہے۔نجی ٹی وی چینل سے گفتگو کرتے ہوئے احسن اقبال نے کہا کہ نگراں حکومتیں بھی 90 دن کی آئینی مدت سے اوپر نہیں جائیں گی۔ وفاقی وزیر کا کہنا تھا کہ انتخابات کے لیے زیادہ تر حلقوں میں ہمارے دیرینہ امیدوار موجود ہیں۔ انہوں نے مزید کہا کہ پی ٹی آئی کے لوگ جہانگیر ترین اور دیگر گروپوں سے رابطہ کر رہے ہیں۔
